कोपरगाव, दि.२२ : दिलीप गायकवाड
समाजसेवेची निष्ठा, देशभक्ती आणि पर्यावरण रक्षणाच्या कार्यातील सातत्य लक्षात घेऊन उत्तम मनोहर मोकल यांची महाराष्ट्र प्रदेशाध्यक्ष (पर्यावरण विभाग)., या पदावर नियुक्ती करण्यात आली आहे. आरटीआय जागरूकता संघटना, भारतचे संस्थापक व राष्ट्रीय अध्यक्ष संगेश कुमार भाटी (संगाराम) यांनी ही नियुक्ती अधिकृतरित्या जाहीर केली.
उत्तम मोकल (रा. आंबेडकर नगर कोळगावमाळ, पोस्ट पाथरे ,ता.सिन्नर,जि. नाशिक) यांच्याकडून भ्रष्टाचार, शोषण, दहशतवाद, मानवी हक्कांचे उल्लंघन आणि पर्यावरणीय प्रश्नांसारख्या संवेदनशील मुद्द्यांवर लक्ष केंद्रीत करून जनजागृती वाढविण्याची अपेक्षा व्यक्त करण्यात आली आहे. तसेच जनहिताच्या प्रश्नांवर सरकार-प्रशासनाशी समन्वय ठेवत काम करण्याची जबाबदारीही त्यांच्यावर सोपविण्यात आली आहे. या नियुक्तीने बहुजन शक्ती सामाजिक संस्थेने उत्तम मोकल यांचे अभिनंदन केले आहे.
