“न्याय मिळेपर्यंत पाठपुरावा” करू – रूपाली चाकणकर
ठाणे, दि. २४ : अजय मगरे
डॉ. गौरी पालवे गर्जे यांच्या मृत्यू प्रकरणी राज्य महिला आयोगाने गंभीर दखल घेतली असून निष्पक्ष, सखोल आणि वेगवान चौकशीची हमी आयोग अध्यक्ष रूपाली चाकणकर यांनी दिली आहे.
“डॉ. गौरी यांच्या कुटुंबियांसोबत महिला आयोग ठामपणे उभा आहे. कुटुंबाला न्याय मिळेपर्यंत आमचा पाठपुरावा सुरू राहील,” असे चाकणकर यांनी स्पष्ट केले. कुटुंबियांच्या भावना, सुरक्षेची काळजी आणि तपासातील पारदर्शकता कायम ठेवण्याची अपेक्षा आयोगाने व्यक्त केली आहे.
दरम्यान, महाराष्ट्राच्या पर्यावरण मंत्री पंकजा मुंडे यांच्या वैयक्तिक सहाय्यक अनंत गर्जे यांच्यावर आत्महत्येस प्रवृत्त केल्याप्रकरणी एफआयआर नोंदविण्यात आला आहे.
शनिवारी वरळी येथील राहत्या घरी गर्जे यांच्या पत्नीचा संशयास्पद मृत्यू (आत्महत्या) झाल्यानंतर मुंबई पोलिसांनी रविवारी गुन्हा नोंदवला.
या प्रकरणाचा पुढील तपास वरळी पोलिसांकडून सुरू असून, दोन्ही घटनांमुळे शासन व तपास यंत्रणा अलर्ट झाल्या आहेत.
