नाशिक, दि.१ ( प्रतिनिधी )
“कुंभमेळा हा भारतीय सनातन संस्कृतीचा जागतिक प्रतीक आहे. यंदाचा कुंभमेळा इतका भव्य आणि दिव्य असेल की संपूर्ण जग स्तिमित होईल,” अशी ग्वाही मुख्यमंत्री देवेंद्र फडणवीस यांनी दिली. नाशिक येथे कुंभमेळा पूर्वतयारी आढावा बैठकीत ते बोलत होते.
मुख्यमंत्री म्हणाले, “कुंभमेळा सुरक्षित, स्वच्छ आणि पवित्र वातावरणात पार पडण्यासाठी राज्य सरकार सर्वतोपरी प्रयत्न करणार आहे. भाविकांना प्रत्येक प्रकारच्या सोयीसुविधा पुरविल्या जातील. यासाठी आवश्यक निधीची तरतूद केली जाईल.”
या बैठकीत मुख्यमंत्री श्री. फडणवीस यांनी २०२६- २७ मध्ये होणाऱ्या नाशिक आणि त्र्यंबकेश्वर कुंभमेळ्याचे अमृतस्नानाचे प्रमुख दिवस जाहीर केले.
नाशिक कुंभमेळा….
सिंहस्थ ध्वजारोहण शुभारंभ: शनिवार, ३१ ऑक्टोबर २०२६ – दुपारी १२ वाजता (रामकुंड, पंचवटी)
प्रथम अमृतस्नान: सोमवार, २ ऑगस्ट २०२७ (आषाढ सोमवती अमावस्या)
महाकुंभस्नान/द्वितीय अमृतस्नान: मंगळवार, ३१ ऑगस्ट २०२७ (श्रावण अमावस्या)
तृतीय अमृतस्नान: शनिवार, ११ सप्टेंबर २०२७ (भाद्रपद शुद्ध एकादशी)
त्र्यंबकेश्वर कुंभमेळा
सिंहस्थ ध्वजारोहण शुभारंभ: शनिवार, ३१ ऑक्टोबर २०२६
प्रथम अमृतस्नान: सोमवार, २ ऑगस्ट २०२७ (आषाढ सोमवती अमावस्या)
महाकुंभस्नान/द्वितीय अमृतस्नान: मंगळवार, ३१ ऑगस्ट २०२७ (श्रावण अमावस्या)
तृतीय अमृतस्नान: शनिवार, १२ सप्टेंबर २०२७ (भाद्रपद शुद्ध द्वादशी – वामन द्वादशी)
याशिवाय सिंहस्थ पर्वकाळातील एकादशी, पौर्णिमा, अमावस्या, वैधृती व व्यतिपात योग हे सर्व दिवस भाविकांसाठी पवित्र तीर्थदिवस असतील. नाशिकमध्ये ४४ आणि त्र्यंबकेश्वरमध्ये ५३ पर्वस्नानाचे शुभमुहूर्त निश्चित करण्यात आले आहेत.
