ठाणे,दि.१९.( अजय मगरे )
बहुजन शक्ती सामाजिक संस्था आणि प्रज्ञा फाऊंडेशन यांच्या संयुक्त विद्यमाने रयतेचे राजे छत्रपती शिवाजी महाराज यांची जयंती वागळे इस्टेट, अंबिका नगरातील प्रज्ञा फाऊंडेशन कार्यालयात मोठ्या उत्साहात साजरी करण्यात आली. यावेळी शिवाजी महाराजांच्या प्रतिमेचे पूजन करून पुष्पहार अर्पण करण्यात आले व अभिवादन करण्यात आले.
कार्यक्रमादरम्यान उपस्थित मान्यवरांनी शिवाजी महाराजांच्या शौर्य, स्वराज्य व न्यायनिष्ठ विचारांचा गौरव करत त्यांच्या आदर्शांवर चालण्याचा संकल्प व्यक्त केला. परिसरातील नागरिक, कार्यकर्ते व तरुण मोठ्या संख्येने उपस्थित राहून घोषणाबाजी व मनोगतांद्वारे शिवजयंतीचा उत्सव साजरा करण्यात आला.
यावेळी प्रज्ञा फाऊंडेशनचे अध्यक्ष तुळशीराम मगरे, गोरख साबळे,शेषराव वाव्हळ, बाबासाहेब साबळे, अनिल मगरे, सिद्धार्थ मोरे, शुभम वारे सुशिल शरणांगत, सुशांत साबळे, अंकुश पोटफोडे,अनिकेत मोरे, सुरज मगरे, सुनील मोरे,विक्रम मगरे,ओंमकार शरणांगत अंकुश पोटफोडे, बाबासाहेब वाव्हळ, विश्वनाथ शरणांगत, ज्ञानदेव वाव्हळ, तसेच बहुजन शक्ती सामाजिक संस्थेचे पदाधिकारी व कार्यकर्ते मोठ्या संख्येने उपस्थित होते.
