ठाणे, दि.२९ .( अजय मगरे )
राष्ट्रवादी काँग्रेस पार्टी, ठाणे शहराच्या वतीने पावन छठ पूजेच्या निमित्ताने पाणी वाटपाचा उपक्रम राबविण्यात आला. पक्षाचे महाराष्ट्र प्रदेश मुख्य प्रवक्ते अनंत परांजपे आणि महाराष्ट्र प्रदेश सरचिटणीस व ठाणे जिल्हाध्यक्ष नजीब मुल्ला यांच्या आदेशानुसार हा उपक्रम रायलादेवी तलाव, वागळे इस्टेट, ठाणे येथे पार पडला.
छठपूजा ही उत्तर भारतात अत्यंत श्रद्धेने साजरी केली जाणारी सूर्यपूजा असून, तिचे महत्त्व लक्षात घेऊन राष्ट्रवादी काँग्रेस पार्टीच्या ठाणे शहर शाखेतर्फे भक्तांना पिण्याच्या पाण्याचे वाटप करण्यात आले.
या उपक्रमावेळी माजी नगरसेवक व महाराष्ट्र प्रदेश सरचिटणीस सुहास देसाई, सचिव महाराष्ट्र प्रदेश रमेश इंदिसे, ठाणे शहर जिल्हा राष्ट्रवादी काँग्रेस पक्ष सरचिटणीस मोहम्मद झिया सय्यद, व्यापारी सेल उपाध्यक्ष आदेश सिंग, जिल्हा उपाध्यक्ष भागवत भद्रे, कोपरी–पाचपाखाडी विधानसभा अध्यक्ष अजित ओझा, आरोग्य सेल कार्याध्यक्ष संतोष यादव, युवक ठाणे जिल्हा सरचिटणीस विष्णू घाडगे, असंघटित कामगार सेल अध्यक्ष तौफिक शेख, तसेच ठाणे सरचिटणीस रमीज शेख यांसह अनेक पदाधिकारी, कार्यकर्ते व महिला आघाडी मोठ्या संख्येने उपस्थित होते.
सदर उपक्रमाचे आयोजन आदेश सिंग, उपाध्यक्ष व्यापारी सेल, राष्ट्रवादी काँग्रेस पक्ष ठाणे यांच्या पुढाकाराने करण्यात आले.
