पैठण, दि.१५ ( प्रतिनिधी )
न्यू हायस्कूल व उच्च माध्यमिक विद्यालयातील पाचवी ते सातवीच्या विद्यार्थ्यांनी ‘दप्तर मुक्त शाळा’ या उपक्रमांतर्गत व्यावहारिक ज्ञान घेण्यासाठी दावरवाडी येथील खांडे ग्रीनटेक या फळफ्रुट प्रक्रिया व साॅफ्टवेअर निर्मिती कंपनीला भेट दिली. विद्यार्थ्यांनी प्रत्यक्ष कंपनीत जाऊन कामकाज कसे चालते, साॅफ्टवेअर म्हणजे काय आणि त्याचा दैनंदिन जीवनातील उपयोग कसा होतो याबाबत सविस्तर माहिती घेतली.
कंपनीचे अध्यक्ष चंद्रकांत खांडे यांनी विद्यार्थ्यांना फळ प्रक्रिया प्रणाली, कच्चा माल पक्का माल कसा बनतो, साॅफ्टवेअर विकसित करण्यासाठी आवश्यक शिक्षण व कौशल्ये याबाबत मार्गदर्शन केले. विद्यार्थ्यांना संकल्पना किंवा प्रयोग तयार करण्यासाठी कंपनीतर्फे आर्थिक मदत देण्यात येईल, असे आश्वासनही त्यांनी दिले.
यावेळी खांडे ग्रीनटेकचे संचालक प्रविण खांडे, सिध्दार्थ इंगळे, मुख्याध्यापक सुदाम गोजरे, पर्यवेक्षक संजयराजे निंबाळकर, बाबासाहेब खांडे, बंडु पौंधे, सुरेश ठाकरे, अझहर पठाण यांच्यासह शिक्षक व विद्यार्थी उपस्थित होते.
दावरवाडी येथील न्यू हायस्कूलच्या विद्यार्थ्यांनी खांडे ग्रीनटेक कंपनीला दिलेल्या शैक्षणिक भेटीदरम्यान अध्यक्ष चंद्रकांत खांडे, मुख्याध्यापक सुदाम गोजरे, सुरेश ठाकरे, प्रविण खांडे, सिध्दार्थ इंगळे आदी मान्यवर.
