CEIR पोर्टलच्या मदतीने ८३ हरवलेले मोबाईल शोधले; ₹१२.४७ लाखांचा मुद्देमाल मालकांच्या स्वाधीन
ठाणे,दि.१४.( अजय मगरे)
ठाणे शहरातील कळवा परिसरात सन २०२५–२०२६ या कालावधीत विविध कंपन्यांचे मोबाईल फोन हरविल्याच्या अनेक तक्रारी दाखल झाल्या होत्या. त्यानुसार कळवा पोलीस स्टेशनमध्ये प्रॉपर्टी मिसिंगची नोंद करण्यात आली होती.
पोर्टलवर नोंदविण्यात आली. प्राप्त तांत्रिक माहितीचे सखोल विश्लेषण करून हरवलेल्या मोबाईलचे सध्याचे वापरकर्ते शोधण्यात आले. संबंधित ठिकाणी प्रत्यक्ष जाऊन चौकशी करत विविध धारकांकडून एकूण ८३ मोबाईल फोन जप्त करण्यात आले.
या मोबाईल फोनची एकूण किंमत सुमारे ₹१२,४७,००० इतकी असून, आवश्यक कायदेशीर प्रक्रिया पूर्ण करून ते त्यांच्या मूळ मालकांना परत देण्यात आले आहेत.
ही कारवाई पोलीस उपआयुक्त परिमंडळ-१ ठाणे श्री. सुभाषचंद्र बुरसे तसेच सहायक पोलीस आयुक्त कळवा विभाग प्रिया डमाळे यांच्या मार्गदर्शनाखाली पार पडली.
या यशस्वी मोहिमेत पो.हवा. ३४१८ वैभव जोशी, पो.हवा. ६६५८ शरद हंडाळ, पो.शि. १८५४ सुरेश रेपाळे व पो.शि. २४०१ महादेव हजारे यांचे विशेष योगदान राहिले.
कळवा पोलिसांच्या या उल्लेखनीय कामगिरीमुळे नागरिकांमध्ये पोलीस प्रशासनावरील विश्वास अधिक दृढ झाला असून, तांत्रिक साधनांचा प्रभावी वापर करून गुन्हे उघडकीस आणण्याचा आदर्श निर्माण झाला आहे.
