मुंबई, दि. ४ ( प्रतिनिधी )
महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२५ मध्ये घेण्यात आलेल्या बारावीच्या (उच्च माध्यमिक प्रमाणपत्र – इ.१२ वी) परीक्षेचा निकाल सोमवार, दि. ५ मे २०२५ रोजी दुपारी १ वाजता ऑनलाईन पद्धतीने जाहीर करण्यात येणार आहे, अशी माहिती मंडळाचे सचिव देविदास कुलाळ यांनी दिली.
या परीक्षेसाठी राज्यभरातील पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांतून लाखो विद्यार्थी प्रविष्ट झाले होते. निकाल पुढील अधिकृत संकेतस्थळांवर पाहता येणार आहे.
https://results.digilocker.gov.in
https://mahahsscboard.in
http://hscresult.mkcl.org
https://results.targetpublications.org
https://results.navneet.com
विद्यार्थ्यांना त्यांच्या विषयनिहाय गुणांची माहिती व प्रिंट आउट वरील संकेतस्थळांवरून मिळू शकते. तसेच Digilocker अॅपच्या माध्यमातून डिजिटल गुणपत्रिका देखील उपलब्ध होणार आहे.
