मुंबई, दि. ३१ : मंगेश म्हात्रे
राष्ट्रीय एकता दिवसाच्या निमित्ताने शाहूनगर पोलीस ठाण्याच्या वतीने “रन फॉर युनिटी” या एकता दौड उपक्रमाचे आयोजन करण्यात आले. या उपक्रमाची सुरुवात आज सकाळी ७ वाजता टाटा पॉवर हाऊस, माटुंगा लेबर कॅम्प येथून ते शाहू नगर पोलीस ठाणे, माहीम पूर्व पर्यंत करण्यात आली.
या एकता दौडीमध्ये स्थानिक नागरिक, विद्यार्थी, स्वयंसेवी संस्था तसेच पोलिस कर्मचारी उत्साहाने सहभागी झाले. ‘एकता, शिस्त आणि सामाजिक बांधिलकी’ या संदेशाने शहराच्या रस्त्यांवर उत्साहाचे वातावरण निर्माण झाले.
या प्रसंगी शाहू नगर पोलीस ठाण्याचे वरिष्ठ पोलीस निरीक्षक रहिमतुल्ला सय्यद यांनी लोकांना राष्ट्रीय एकता, सामाजिक सलोखा आणि परस्पर सहकार्य यांचे महत्त्व पटवून दिले.
स्पर्धेच्या शेवटी विजेत्यांना प्रमाणपत्रे आणि स्मृतिचिन्हे देऊन गौरविण्यात आले.
महिला गटात जिज्ञासा सचिन गायकवाड हिने प्रथम क्रमांक मिळवला.तर पुरुष गटात :अनिकेत सोनार(पहिला),आदित्य सोनार(दुसरा),स्पंदन गायकवाड यांनी तिसरा क्रमांक पटकावला.
