मुंबई, दि.२३. ( अजय मगरे )
आज सकाळी मुंबई मराठी पत्रकार संघात झालेल्या बैठकीत विविध पत्रकार संघटनांनी पत्रकारांवरील वाढत्या हल्ल्यांच्या निषेधार्थ निर्णायक आंदोलन छेडण्याचा निर्णय घेतला.
या बैठकीत अखिल भारतीय मराठी पत्रकार परिषद, मुंबई मराठी पत्रकार संघ, मंत्रालय व विधिमंडळ वार्ताहर संघ, डिजिटल मिडिया परिषद महाराष्ट्र, मुंबई क्राईम रिपोर्टर्स असोसिएशन, मुंबई महानगरपालिका पत्रकार संघ या संघटनांचे पदाधिकारी मोठ्या संख्येने उपस्थित होते.
बैठकीत ४ ऑक्टोबरपासून राज्यव्यापी आंदोलनाला सुरुवात करण्याचा ठराव पारित झाला. मुख्यमंत्री देवेंद्र फडणवीस, उपमुख्यमंत्री एकनाथ शिंदे व अजित पवार यांना पत्रकार संरक्षण कायद्याची अंमलबजावणी करण्याची मागणी एसएमएस मोहिमेद्वारे केली जाणार आहे. मागणी न मानल्यास संविधान दिनानिमित्त आझाद मैदान येथे एक दिवसाचे उपोषण करण्यात येणार आहे.
या प्रसंगी एस. एम. देशमुख, संदीप चव्हाण, राही भिडे, शरद पाबळे, शैलेंद्र शिर्के, महेश म्हात्रे, किरण नाईक, मिलिंद आष्टीवकर, राजा आदाटे, सुजित महामुलकर, गणेश जगताप, युवराज जगताप, राजेंद्र साळसकर, सुनील विश्वकर्मा, अजय मगरे, विशाल सिंह आदी मान्यवर उपस्थित होते.
