बिल थांबवले; प्रयोगशाळेचा अहवाल आल्यानंतर कारवाई – मुख्याधिकारी
कोपरगाव, दि. २६ : दिलीप गायकवाड
कोपरगाव नगरपरिषद हद्दीतील जिजामाता उदयान परिसरात बांधण्यात आलेल्या संरक्षण भिंतीच्या कामाबाबत निकृष्ट दर्जाच्या साहित्याचा वापर झाल्याची तक्रार संदिप डुंबरे पाटील यांनी नगरपरिषदेकडे दिलेल्या अर्जात या बाबत स्पष्ट आक्षेप नोंदविला होता.
सदर तक्रारीनुसार कामामध्ये दर्जाहीन साहित्य वापरल्याचे फोटो सुद्धा अधिकाऱ्यांना दाखविण्यात आले असून, संबंधितांनी त्याकडे दुर्लक्ष केल्याचा आरोप करण्यात आला होता.
नगरपरिषदेकडून या तक्रारीची दखल घेण्यात आली असून बांधकाम साहित्याची गुणवत्ता तपासणी अहवाल येईपर्यंत संबंधित ठेकेदारास बिल अदा न करण्याचे आदेश दिले आहेत. यासाठी सहाय्यक संशोधन अधिकारी, सार्वजनिक बांधकाम विभाग, जिल्हा प्रयोगशाळा, अहमदनगर यांच्याकडे पत्र पाठवण्यात आले आहे.
अधिकृत अहवाल आल्यानंतर योग्य ती कार्यवाही केली जाणार असल्याचे मुख्याधिकारी तथा प्रशासक, कोपरगाव नगरपरिषद यांनी स्पष्ट केले आहे. तसेच या प्रकरणी उपोषणासारखे टोकाचे पाऊल उचलू नये, अशी विनंती डुंबरे पाटील यांना करण्यात आली असून प्रशासन तपासात पूर्ण सहकार्य करीत असल्याचे पत्राद्वारे सुचित करण्यात आले आहे.
