बॉम्बे हाइट रेणुका माता कमान समोर, बीड बायपास रोड, सातारा परिसर, छत्रपती संभाजीनगर
छत्रपती संभाजीनगर, दि.२० ( नितीन एडके )
गुळज (ता. गेवराई, जि. बीड) या छोट्याशा गावातील ग्रामीण युवक लक्ष्मण चव्हाण यांनी जिद्द, मेहनत आणि चिकाटीच्या जोरावर यशस्वी उद्योजकतेची नवी वाट चोखाळली आहे. एलआयसी एजंट म्हणून करिअरची सुरुवात केलेल्या चव्हाण यांनी आज छत्रपती संभाजीनगर येथे बीड बायपास रोडवर ‘चव्हाण अँड सन्स फायनान्शियल सर्व्हिसेस’ या नावाने भव्य कार्यालय स्थापन केले आहे.
या कार्यालयाच्या उद्घाटन सोहळ्यास पालकमंत्री मा. ना. संजयजी शिरसाट, खासदार संदिपान भुमरे, माजी आमदार अमरसिंह पंडित, तसेच विविध क्षेत्रातील मान्यवर उपस्थित होते.
या वेळी उपस्थित मान्यवरांनी चव्हाण यांचे अभिनंदन करत, “तरुणांनी नोकरीच्या मागे धावण्याऐवजी स्वतःच्या पायावर उभे राहावे,” असे आवाहन केले.
कार्यक्रमास एलआयसीचे वरिष्ठ अधिकारी, गुळज व गेवराई येथील ग्रामस्थ, तसेच छत्रपती संभाजीनगर जिल्हा राष्ट्रवादी शिक्षक संघाचे श्री. प्रदीप विखे, श्री. एम. एम. खुटे, श्री. नितीन कवडे, श्री. राजकुमार जाधव, श्री. बंडू लांडे व चव्हाण परिवार उपस्थित होते.
लक्ष्मण चव्हाण यांनी आपल्या कार्यातून दाखवून दिले की,
> “रडत बसण्यापेक्षा जिद्द आणि चिकाटीने काम केल्यास यश आपल्या पायाशी येते.”
त्यांची ही यशोगाथा आजच्या ग्रामीण युवकांसाठी प्रेरणादायी आदर्श ठरली आहे.
