पैठण, दि.२१ ( अभिजित सोनवणे )
पैठण तालुक्यातील, नांदर येथील न्यू हायस्कूल उच्च माध्यमिक विद्यालयात जागतिक योग दिन मोठ्या उत्साहात आणि शिस्तबद्धतेने साजरा करण्यात आला. विद्यार्थ्यांमध्ये योगाविषयी जागरूकता निर्माण व्हावी, त्यांना तंदुरुस्त व मानसिकदृष्ट्या सक्षम बनवावे या हेतूने विविध योग क्रियांचा सराव शाळेच्या प्रांगणात करण्यात आला.
या कार्यक्रमात सुमारे ३५० विद्यार्थ्यांनी सामूहिक योगाभ्यास करून आपल्या एकतेचे आणि शारीरिक सुदृढतेचे दर्शन घडवले. विद्यार्थ्यांनी प्राणायाम, सूर्यनमस्कार, ताडासन, वज्रासन, भुजंगासन, शवासन यासारख्या योगासने एकरूपतेने केली. योगासने करताना विद्यार्थ्यांचा उत्साह आणि शिस्त विशेष उल्लेखनीय होता.
कार्यक्रमाचे मार्गदर्शन मुख्याध्यापक श्री. सूर्यकांत धुपे यांनी केले. त्यांनी विद्यार्थ्यांना योगाचे शारीरिक व मानसिक लाभ समजावून सांगितले. “योग हा केवळ व्यायाम नसून तो जीवनशैली आहे. तो नियमितपणे केल्याने मन:शांती, एकाग्रता आणि आरोग्य सुधारते,” असे ते म्हणाले.
कार्यक्रमाच्या यशस्वी आयोजनासाठी शाळेतील शिक्षक बबन भावले, राजेंद्र थोरात, रामकृष्ण पातकळ, एम. पाटील, रमेश पवार, श्रीमती राऊत मॅडम, एस. गुलालकर यांनी विशेष मेहनत घेतली. याशिवाय गोरखनाथ सोनवणे, बबन ठेणगे या शिक्षकेतर कर्मचाऱ्यांचाही मोलाचा सहभाग लाभला.
कार्यक्रमाच्या अखेरीस विद्यार्थ्यांनी योग दिनाच्या उपक्रमातून मिळालेला अनुभव शेअर करत नियमित योगाचा संकल्प केला. अशा उपक्रमांमुळे विद्यार्थ्यांचे सर्वांगीण व्यक्तिमत्त्व घडते, असे प्रतिपादन शिक्षकांनी यावेळी केले.
