२८ सप्टेंबरऐवजी ९ नोव्हेंबरला होणार परीक्षा
मुंबई, दि. २६ : अजय मगरे
राज्यातील अनेक जिल्ह्यांमध्ये निर्माण झालेल्या पूरजन्य परिस्थितीमुळे महाराष्ट्र लोकसेवा आयोगाची (एमपीएससी) नागरी सेवा राजपत्रित संयुक्त पूर्व परीक्षा पुढे ढकलण्यात आली आहे. २८ सप्टेंबर रोजी होणारी ही परीक्षा आता ९ नोव्हेंबरला होणार असल्याचे आयोगाने जाहीर केले.
राज्यातील ३७ जिल्हा केंद्रांवरील ५२४ उपकेंद्रांवर ही परीक्षा घेण्यात येणार होती. मात्र अतिवृष्टी आणि पूरस्थितीमुळे अनेक गावांचा व तालुक्यांचा संपर्क तुटला असून हवामान विभागाने पुढील काही दिवसांत जोरदार पावसाचा इशारा दिला आहे.
कोणताही उमेदवार परीक्षेला मुकू नये, यासाठी राज्य सरकारने परीक्षेच्या तारखा पुढे ढकलण्याची विनंती केली होती. त्यानुसार एमपीएससीने निर्णय घेतला आहे.
एमपीएससी नागरी सेवा राजपत्रित संयुक्त पूर्व परीक्षा पुढे ढकललीअडून २८ सप्टेंबरऐवजी आता ९ नोव्हेंबरला परीक्षा,३७ जिल्हा केंद्रांवरील ५२४ उपकेंद्रांवर होणार आहे.
