भाविकांना उपस्थित राहण्याचे रमेशगिरी महाराजांचे आवाहन
कोपरगाव, दि. ८ ( चंद्रकांत जोर्वेकर ) :
कोपरगाव येथील राष्ट्रसंत सदगुरु जनार्दन स्वामी (मौनगिरी) महाराज बाबांचे समाधी मंदिर, बेट येथे दिनांक १० जुलै रोजी भव्य गुरुपौर्णिमा उत्सव साजरा करण्यात येणार आहे.
कार्यक्रमाला सकाळपासूनच सुरूवात होणार असून, पहाटेपासून पूजा, भजन, आरती आदी धार्मिक विधी पार पडतील. दुपारी १२ वाजता महाप्रसादाचा लाभ भाविकांना मिळणार आहे. तसेच संध्याकाळी श्री बाबांची भव्य मिरवणूक काढण्यात येणार आहे.
या पवित्र उत्सवात कोपरगाव तालुक्यातील तसेच परिसरातील सर्व गावांतील भाविकांनी मोठ्या संख्येने उपस्थित राहून दर्शनाचा लाभ घ्यावा, असे आवाहन मठाधिपती व विश्वस्त परमपूज्य रमेशगिरी महाराज यांनी केले आहे.
भाविकांनी सहकुटुंब उपस्थित राहून धार्मिक वातावरणाचा आनंद घ्यावा, असे आवाहनही आयोजकांच्या वतीने करण्यात आले आहे.
