पैठण, दि. १५ प्रतिनिधी
पैठण तालुक्यातील नांदर येथील इंदिरा शिक्षण व क्रीडा प्रसारक मंडळ आडुळ संचलित माध्यमिक विद्यालय नांदर या शाळेने यंदाही आपली यशाची परंपरा कायम ठेवली आहे. मार्च 2025 मध्ये पार पडलेल्या माध्यमिक शालान्त प्रमाणपत्र परीक्षेत शाळेचा निकाल ९७ टक्के लागला आहे.
या वर्षी एकूण ६७ विद्यार्थी परीक्षेला बसले होते, त्यापैकी ६५ विद्यार्थी उत्तीर्ण झाले. यामध्ये २५ विद्यार्थी विशेष प्राविण्य श्रेणीत, २६ प्रथम श्रेणीत, १२ द्वितीय श्रेणीत तर २ विद्यार्थी पास श्रेणीत उत्तीर्ण झाले.
शाळेतील टॉप ६ विद्यार्थी दामिनी राऊत – ९२.२० ,सार्थक कपटी – ८९.६०%,अनिता व्यवहारे – ८९.००%,अमर मासोळे – ८७.६०%,कृष्णा बैरागी – ८६.४०%, अनुजा वैद्य – ८४.४०%
संस्थेचे सचिव शुभम भैय्या पिवळ, शाळेचे मुख्याध्यापक सूर्यकांत धुपे, तसेच शिक्षक व शिक्षकेतर कर्मचारी भावले, बी. जी. पाटील, एच. एन. थोरात, आर. एस. पातकळ, आर. व्ही. गुलालकर, एस. आर. राऊत, एस. बी. पवार, आर. टी. पवार आदींनी गुणवंत विद्यार्थ्यांचे अभिनंदन करून त्यांच्या पुढील वाटचालीस शुभेच्छा दिल्या.
