वाळकेश्वर इमारत दुर्घटना:
अपातग्रस्त कुटुंबांना थेट म्हाडाच्या मास्टर लिस्टमधून घरे मिळण्याची शक्यता!
मुंबई, दि.२९ ( मंगेश म्हात्रे )
वाळकेश्वरमधील तीन बत्ती परिसरात सोमवारी (ता. २६) घडलेल्या भीषण दुर्घटनेनंतर अपातग्रस्त कुटुंबांच्या पुनर्वसनासाठी नव्या दिशेने हालचाली सुरू झाल्या आहेत. मुसळधार पावसामुळे त्या इमारतीची संरक्षक भिंत कोसळल्याने इमारत धोकादायक स्थितीत आली असून, तेथील पाच कुटुंबांना तात्काळ म्हाडाच्या संक्रमण शिबिरात हलविण्यात आले.
मात्र, या कुटुंबांनी तात्पुरत्या नव्हे तर कायमस्वरूपी घरे देण्याची मागणी केली आहे. या पार्श्वभूमीवर म्हाडाकडून मिळालेल्या प्राथमिक माहितीनुसार, संबंधित इमारत संपूर्णपणे धोकादायक असल्याने तिचे तोडकाम लवकरच सुरू करण्यात येणार आहे.
दरम्यान, माणुसकीच्या दृष्टिकोनात नुकसानग्रस्त कुटुंबांना म्हाडाच्या मास्टर लिस्टमधून थेट घरे देण्याचा प्रस्ताव सध्या तयार करण्यात येत असल्याची माहिती सूत्रांनी दिली.
