सर्व समाजबांधव, संघटना, कार्यकर्त्यांची उपस्थिती..
कोपरगाव, दि. १८ : चंद्रकांत जोर्वेकर
साहित्यरत्न लोकशाहीर डॉ. आण्णाभाऊ साठे यांच्या स्मृतिदिनानिमित्त शहरातील त्यांच्या पुतळ्यास पुष्पहार अर्पण करून अभिवादन करण्यात आले. या प्रसंगी सर्व समाजातील बांधव, विविध पक्ष-संघटनांचे पदाधिकारी व कार्यकर्ते मोठ्या संख्येने उपस्थित होते.
कोपरगाव येथील आण्णाभाऊ साठे यांच्या भव्य पुतळ्यासमोर सर्वप्रथम साहित्यरत्न आण्णाभाऊ साठे मालवाहतूक चालक-मालक असोसिएशनच्या वतीने पुष्पहार अर्पण करण्यात आला. त्यानंतर शहरातील अनेक सामाजिक, राजकीय संघटनांचे प्रतिनिधी, नागरिक व कार्यकर्त्यांनी पुतळ्यासमोर नतमस्तक होत अभिवादन केले.
या वेळी संघटनेच्या पदाधिकाऱ्यांनी सांगितले की, “आण्णाभाऊंनी आपल्या साहित्यातून श्रमिक, वंचित, कष्टकरी समाजाचे दु:ख मांडले. त्यांची विचारधारा आजही प्रेरणादायी आहे. समाजाच्या उत्थानासाठी त्यांचा संदेश पुढे नेणे हे आपले कर्तव्य आहे.”
आण्णाभाऊ साठे मालवाहतूक चालक-मालक असोसिएशन, कोपरगावच्या वतीने अभिवादन करण्यात आले.यावेळेस असोसिएशन सर्व पद आधिकारी उपस्थित होते
