मुंबई, दि. ७ : मंगेश म्हात्रे
म्हाडाच्या मुंबईतील विविध प्रकल्पांमधील १४९ अनिवासी गाळ्यांची विक्री ई-लिलाव पद्धतीने करण्यात येणार असून, त्यासाठी १२ ऑगस्टपासून ऑनलाईन अर्ज व नोंदणी प्रक्रिया सुरू होणार आहे, अशी माहिती मंडळाचे मुख्य अधिकारी मिलिंद बोरीकर यांनी प्रसिद्धिपत्रकाद्वारे दिली.
या ई-लिलावात मुंबईतील विविध ठिकाणांवरील गाळे विक्रीसाठी उपलब्ध असून, त्यामध्ये प्रमुख ठिकाणांचा समावेश आहे:
मालवणी मालाड – ४६ गाळे
कोपरी पवई व चारकोप – प्रत्येकी २३ गाळे
बिंबिसार नगर, गोरेगाव – १७ गाळे
प्रतीक्षा नगर, सायन – ९ गाळे
मुलुंड गव्हाणपाडा, जुने मागाठाणे, महावीर नगर, कुर्ला स्वदेशी मिल, तुंगा पवई – काही प्रमाणात गाळे
तसेच अँटॉप हिल, वडाळा, शास्त्री नगर-गोरेगाव, सिद्धार्थ नगर, मजासवाडी, जोगेश्वरी येथे प्रत्येकी १ गाळा उपलब्ध आहे.
ई-लिलाव प्रक्रिया व निकाल :
पात्र अर्जदारांसाठी २८ ऑगस्ट रोजी सकाळी ११ ते सायंकाळी ५ या वेळेत www.eauction.mhada.gov.in या संकेतस्थळावर ऑनलाइन बोली प्रक्रिया पार पडेल. २९ ऑगस्ट रोजी सकाळी ११ वाजता निकाल निकाल https://eauction.mhada.gov.in आणि https://mhada.gov.in या संकेतस्थळांवर जाहीर करण्यात येईल.
अर्ज प्रक्रियेची माहिती :
अर्ज भरण्याची मुदत – १२ ऑगस्ट दुपारी १२ पासून ते २५ ऑगस्ट रात्री ११.५९ वाजेपर्यंत
नोंदणी, कागदपत्रे अपलोड व अनामत रक्कम भरणे ही प्रक्रिया पूर्ण करणे आवश्यक
१८ वर्षांवरील व्यक्ती अर्ज करू शकतात महाराष्ट्रातील २०१८ नंतरचे अधिवास प्रमाणपत्र आवश्यक ऑफसेट किंमतीनुसार विहित अनामत रक्कम भरावी लागेल..
अधिक माहिती व अर्ज पोर्टल :
संपूर्ण माहिती, पात्रता निकष, सामाजिक आरक्षण, गाळ्यांचे विवरण, अटी व शर्ती, अर्ज प्रक्रिया इ. बाबींसाठी https://eauction.mhada.gov.in आणि https://mhada.gov.in > Lottery > Eauction > eauction या पोर्टलवर माहिती उपलब्ध आहे.
