कोपरगाव, दि.७ : दिलीप गायकवाड
प्रभाग क्रमांक ६ गावठाण परिसरातील कापड बाजार येथील पुरातन श्री गोकर्ण गणेश मंदिरात रविवारी संकष्टी चतुर्थीनिमित्त धार्मिक उत्साहाचे वातावरण अनुभवायला मिळाले. सहकार महर्षी शंकरराव कोल्हे सहकारी साखर कारखान्याचे चेअरमन आणि तालुक्यातील लोकप्रिय युवानेते विवेकभैय्या कोल्हे यांच्या हस्ते गणरायाची विधिवत पूजा व आरती भक्तिभावाने संपन्न झाली.
यावेळी सोशल मीडियावर अल्पावधीत उल्लेखनीय कार्य करणाऱ्या दिव्यांका परदेशीचा विवेकभैय्या कोल्हे यांच्या हस्ते सत्कार करण्यात आला. तिला पुढील वाटचालीस शुभेच्छाही देण्यात आल्या.
कार्यक्रमाला माजी नगराध्यक्ष सौ. ऐश्वर्यलक्ष्मी सातभाई, माजी उपनगराध्यक्ष योगेश बागुल, भाजपा–आरपीआय–मित्र पक्ष लोकसेवा आघाडीचे नगरसेवक पदाचे उमेदवार विक्रमादित्य सातभाई, कापड बाजार उत्सव समितीचे पदाधिकारी, व्यापारी बांधव आणि परिसरातील नागरिक मोठ्या संख्येने उपस्थित होते.
युवानेते विवेकभैय्या कोल्हे यांच्यासह मान्यवरांचा उत्सव समितीच्या वतीने शाल-श्रीफळ देऊन सन्मान करण्यात आला. यावेळी विवेकभैय्या कोल्हे यांनी प्रभागातील नागरिकांच्या समस्या ऐकून घेतल्या आणि त्या सोडवण्यासाठी तत्काळ पावले उचलण्याचे आश्वासन दिले.
कार्यक्रमास कुणाल लोणारी, आशिष निकुंभ, निखिल जोशी, शुभम भावसार, राहुल खडांगळे, मयूर खडांगळे, सनी खैरे, योगेश पवार, नितीन जोशी, ओम बागुल आदी मित्रपरिवार उपस्थित होता.
धार्मिक विधीनंतर सर्व भाविकांना खिचडी प्रसादाचे वाटप करण्यात आले. भक्ती, श्रद्धा आणि सामूहिक सहभागाने परिपूर्ण असा संकष्टी चतुर्थीचा धार्मिक सोहळा उत्साहात पार पडला.
