शेतकरी नेते डॉ. अजित नवले मार्क्सवादी कम्युनिस्ट पक्षाच्या महाराष्ट्र राज्य सचिवपदी….
सीपीआय(एम)चे २४ वे महाराष्ट्र राज्य अधिवेशन यशस्वीरीत्या संपन्न…..
मुंबई, दि.२ ( प्रतिनिधी )
मार्क्सवादी कम्युनिस्ट पक्षाच्या (सीपीआय-एम) महाराष्ट्र राज्य सचिवपदी शेतकरी नेते डॉ. अजित नवले यांची एकमताने निवड करण्यात आली आहे. कम्युनिस्ट पक्षाच्या देशभरातील सर्व राज्यांमध्ये सर्वात लहान वयातील राज्य सचिव म्हणून डॉ. नवले यांनी मान पटकावला आहे.
सीपीआय(एम)चे २४ वे महाराष्ट्र राज्य अधिवेशन २७ फेब्रुवारी ते १ मार्चदरम्यान संपन्न झाले. या तीन दिवसीय अधिवेशनात राज्यभरातून आलेले ३३७ प्रतिनिधी उपस्थित होते. अधिवेशनात सामाजिक आणि राजकीय विषयांवरील आठ ठराव मांडण्यात आले, जे एकमताने मंजूर करण्यात आले.
राज्य सचिवपदाची जबाबदारी यापूर्वी सांभाळणारे डॉ. उदय नारकर यांनी प्रकृती अस्वास्थ्यामुळे पदावरून निवृत्ती घेतली.
त्यांच्या नेतृत्वाखाली मुख्य राजकीय आणि संघटनात्मक अहवाल सादर करण्यात आला. या अहवालावर ५९ प्रतिनिधींनी चर्चा केली, ज्यामध्ये १४ महिला सहभागी होत्या. चर्चेनंतर अहवाल सर्वानुमते मंजूर करण्यात आला.
अधिवेशनात नवीन ५० सदस्यीय राज्य कमिटी आणि १५ सदस्यांचे राज्य सचिव मंडळ निवडण्यात आले. याच नवनिर्वाचित कमिटीने डॉ. अजित नवले यांची राज्य सचिव म्हणून नियुक्ती केली.
यावेळी पॉलिट ब्युरो सदस्य आणि पक्ष समन्वयक प्रकाश कारत, निलोत्पल बसू आणि डॉ. अशोक ढवळे यांची उपस्थिती होती. आगामी २४ व्या मदुराई पक्ष काँग्रेससाठी १७ प्रतिनिधी आणि २ प्रेक्षकांची निवड देखील या अधिवेशनात करण्यात आली.
समारोपाच्या भाषणात डॉ. अशोक ढवळे यांनी पक्षाच्या कार्यकर्त्यांचे कौतुक करत, धर्मनिरपेक्षता टिकवून ठेवण्याचे आणि संघटना बळकट करण्याचे आवाहन केले.समारोपाच्या भाषणात डॉ. अशोक ढवळे यांनी पक्षाच्या कार्यकर्त्यांचे कौतुक करत, धर्मनिरपेक्षता टिकवून ठेवण्याचे आणि संघटना बळकट करण्याचे आवाहन केले.
सौजन्य – दिपक पवार
