पैठण, दि.२१.(प्रतिनिधी)
पैठण तालुक्यातील नांदर येथील जिल्हा परिषद प्राथमिक शाळेमध्ये दिनांक 20 जुलै 2026 रोजी सामाजिक न्याय व विशेष सहाय्य विभाग, महाराष्ट्र शासन, सहाय्यक आयुक्त समाज कल्याण कार्यालय, छत्रपती संभाजीनगर तसेच एकता बहुउद्देशीय महिला मंडळ यांच्या संयुक्त विद्यमाने अंधश्रद्धा निर्मूलन व जादूटोणा विरोधी कायद्याबाबत जनजागृती शिबिराचे आयोजन करण्यात आले.
या शिबिरामध्ये अंधश्रद्धेचे समाजावरील दुष्परिणाम, वैज्ञानिक दृष्टिकोनाची आवश्यकता तसेच महाराष्ट्र नरबळी आणि इतर अमानुष, अनिष्ट व अघोरी प्रथा व जादूटोणा प्रतिबंधक कायद्याबाबत सविस्तर मार्गदर्शन करण्यात आले. उपस्थितांना अंधश्रद्धेपासून दूर राहून विवेकवादी विचारसरणी स्वीकारण्याचे आवाहन करण्यात आले.
कार्यक्रमास वैभव भालेराव पठाडे, अब्दुल्लाही ॲदम, प्रतीक्षा भालेराव, प्रिया बनसोडे, पराडे सर जनार्दन तळपे तसेच शाळेचे मुख्याध्यापक नवनाथ जाधव यांची प्रमुख उपस्थिती होती.
यावेळी नम्रता चाबुकस्वार, संतोष गायकवाड, रुपाली गायकवाड, प्रविणा बद्धे, अशोक बुधनर, रवींद्र भालसिंग, उषा हंडाळ, बबीता सोनटक्के आदींसह ग्रामस्थ, विद्यार्थी व शिक्षक मोठ्या संख्येने उपस्थित होते.
कार्यक्रमाच्या माध्यमातून अंधश्रद्धा निर्मूलन, वैज्ञानिक दृष्टीकोनाची जोपासना आणि जादूटोणा विरोधी कायद्याबाबत जनजागृती करण्याचा महत्त्वपूर्ण प्रयत्न करण्यात आला. उपस्थितांनी कार्यक्रमाचे कौतुक करून अशा उपक्रमांची गरज व्यक्त केली.
