कोपरगांव, दि.२५ : चंद्रकांत जोर्वेकर
कोपरगांव शहरातील गांधीनगर येथील रहिवासी व समाजकार्यातून भरीव योगदान देणारे सामाजिक कार्यकर्ते नितीन यवनाथ शिंदे यांच्या वाढदिवसानिमित्त कोपरगांव येथे शुभ लाभ साप्ताहिक वृत्तपत्राच्या कार्यालयात सत्कार कार्यक्रमाचे आयोजन करण्यात आले.
या कार्यक्रमाचे अध्यक्षस्थान शुभ लाभ साप्ताहिक चे संपादक संजय लाड यांनी भूषविले. यावेळी त्यांनी शिंदे यांच्या सामाजिक योगदानाचे कौतुक करत पुढील वाटचालीस शुभेच्छा दिल्या.
या प्रसंगी काँग्रेस किसान सेल्सचे जिल्हा उपाध्यक्ष विजय जाधव, बहुजन शक्ती न्यूजचे कार्यकारी संपादक दिलीपराव गायकवाड, ललित नायडू, प्रकाश आढाव, प्रकाश मोकळ यांच्यासह अनेक मान्यवर उपस्थित होते. सर्व मान्यवरांनी शिंदे यांना शाल ,पुष्पगुच्छ अर्पण करून वाढदिवसाच्या मनःपूर्वक शुभेच्छा दिल्या.
