ठाणे : प्रतिनिधी
ठाणे पूर्वेकडील संत तुकाराम महाराज मैदानात दरवर्षीप्रमाणे यंदाही चैत्र नवरात्रोत्सवाची सुरुवात मोठ्या उत्साहात झाली. उपमुख्यमंत्री एकनाथ शिंदे यांच्या पुढाकाराने आयोजित करण्यात आलेल्या या उत्सवासाठी देवीची भव्य स्वागत मिरवणूक काढण्यात आली.
या मिरवणुकीत उपमुख्यमंत्री शिंदे सहकुटुंब सहभागी झाले होते. पारंपरिक ढोल-ताशांच्या गजरात आणि भक्तिमय वातावरणात निघालेल्या या मिरवणुकीने परिसरात उत्साहाचे वातावरण निर्माण केले.
दरवर्षीप्रमाणे यंदाही शिंदे यांनी मिरवणुकीदरम्यान तंदूर वडापावच्या स्टॉलला भेट दिली. मात्र यावेळी त्यांनी स्वतः वडापाव न खाता, मिरवणूक सुरळीत पार पाडण्यासाठी कर्तव्य बजावणाऱ्या महिला पोलिसांना वडापाव खाऊ घातला. त्यांच्या या संवेदनशील कृतीचे सर्वत्र कौतुक होत आहे.
