गरजू महिला व तृतीयपंथीयांना ई-रिक्षा वाटप…
ठाणे, दि.२७ : अजय मगरे
गरजू महिला आणि तृतीयपंथीय व्यक्तींना रोजगाराचे साधन उपलब्ध करून देण्यासाठी ठाणे महापालिका व रोटरी क्लब ऑफ ठाणे लेकसिटी यांच्या वतीने दोन ई-रिक्षांचे प्रातिनिधिक स्वरुपात वाटप महापालिका मुख्यालयाच्या प्रांगणात करण्यात आले.
या कार्यक्रमाला महापालिका आयुक्त सौरभ राव, अतिरिक्त आयुक्त प्रशांत रोडे, उपायुक्त अनघा कदम, रोटरी डिस्ट्रिक्ट ३१४२ चे माजी गर्व्हनर दिनेश मेहता, रोटरी लेकसिटीच्या अध्यक्षा दिपाली महिंद्रा, रोटेरियन अनिरूध्द आदी मान्यवर उपस्थित होते.
महापालिका आयुक्त सौरभ राव यांच्या मार्गदर्शनाखाली ठाणे महापालिका, रोटरी क्लब ऑफ ठाणे लेकसिटी, एटॉस कंपनी आणि समर्थ भारत व्यासपीठ यांच्या संयुक्त विद्यमाने हा उपक्रम राबवण्यात येत आला.
आतापर्यंत एकूण १५ ई-रिक्षांचे वाटप करण्यात आले असून त्यापैकी चार ई-रिक्षा तृतीयपंथीयांना देण्यात आल्या आहेत. या उपक्रमामुळे समाजातील वंचित घटकांना स्वावलंबनाचा मार्ग मोकळा झाला असून, रोजगार निर्मितीच्या दिशेने एक सकारात्मक पाऊल उचलले गेल्याचे मान्यवरांनी आपल्या भाषणात सांगितले.
