बाल रंगकर्मी योजनेसाठी ई-निविदा जाहीर..
ठाणे, दि.२६ : अजय मगरे
ठाणे महानगरपालिकेच्या शिक्षण विभागामार्फत ‘बाल रंगकर्मी योजना (अभिनय प्रशिक्षण व लघुपट निर्मिती)’ या उपक्रमाचा चौथा टप्पा राबविण्यात येत आहे. यासाठी नामवंत संस्थांकडून ऑनलाईन निविदा मागविण्यात आल्या आहेत.
महानगरपालिकेच्या शाळांतील विद्यार्थ्यांना अभिनयाचे प्रशिक्षण देणे व त्यातून लघुपट निर्मिती करणे हा या योजनेचा उद्देश आहे. इच्छुक संस्थांना शासनाच्या अधिकृत संकेतस्थळावर https://mahatender.gov.in येथे दि.२५ सप्टेंबर ते ९ ऑक्टोबर २०२५ दरम्यान निविदा अर्ज उपलब्ध राहतील.
ठाणे महानगरपालिका शाळांतील विद्यार्थ्यांना केवळ शैक्षणिकच नव्हे तर कला, संस्कृती व सामाजिक जाणीवेचीही ओळख व्हावी या हेतूने ही योजना सुरू करण्यात आल्याचे शिक्षण विभागाने स्पष्ट केले आहे. चौथ्या टप्प्यात अधिकाधिक विद्यार्थ्यांना संधी मिळावी यासाठी महापालिकेने पुढाकार घेतला आहे.
ऑनलाईन निविदा भरण्याची अंतिम मुदत ९ ऑक्टोबर रोजी दुपारी ४ वाजेपर्यंत असून, निविदा १० ऑक्टोबर रोजी दुपारी ४ वाजता उघडण्यात येतील. निविदा उघडताना इच्छुक निविदाकार अथवा त्यांचे प्रतिनिधी मूळ कागदपत्रांसह उपस्थित राहू शकतात.
