मुंबई :मंगेश म्हात्रे
सायन प्रतीक्षा नगर, वार्ड क्रमांक 173 च्या भाजप नगरसेविका शिल्पा केळूसकर यांना यंदाचा मातृदिन खास ठरला. त्यांच्या अवघ्या 5 वर्षांच्या लेकी त्रिशाने आईसाठी स्वतः चित्र काढत प्रेम व्यक्त केले. या भावनिक क्षणाचा व्हिडिओ सोशल मीडियावर शेअर करण्यात आला असून, तो अनेकांच्या मनाला स्पर्श करत आहे.
राजकारण आणि समाजकार्यात सतत व्यस्त असणाऱ्या आईसाठी छोट्याशा चित्रातून त्रिशाने व्यक्त केलेले प्रेम आणि आभार अनेकांना भावूक करून गेले. “आई कितीही व्यस्त असली तरी मुलांसाठी तीच सर्वस्व असते,” अशी भावना या व्हिडिओतून उमटताना दिसते.
सार्वजनिक जीवनात काम करताना अनेकदा कुटुंबासाठी वेळ कमी पडतो. मात्र अशा छोट्या प्रसंगांतून नात्यांमधील जिव्हाळा आणि भावना अधिक ठळकपणे समोर येतात. मातृदिनाच्या निमित्ताने आई-मुलीच्या प्रेमाचा हा सुंदर क्षण सध्या सोशल मीडियावर चर्चेचा विषय ठरत आहे.
