म्हाडाच्या १७५ मास्टर लिस्ट रहिवाश्यांची लॉटरी एप्रिलमध्ये
मुंबई, दि. २५ (अजय मगरे) –
म्हाडाच्या मुंबई इमारत दुरुस्ती व पुनर्रचना मंडळाची १७५ रहिवाश्यांची मास्टर लिस्ट लॉटरी एप्रिल महिन्यात काढण्यात येणार असल्याची माहिती सूत्रांनी दिली आहे.
म्हाडाच्या आर आर बोर्डाने मास्टर लिस्ट वरील रहिवाशांसाठी अर्ज मागवले होते, ज्यासाठी एकूण १७५ रहिवाशांनी अर्ज दाखल केले आहेत. सध्या या अर्जांची छाननी सुरू असून, शासनाच्या १०० दिवसांच्या कार्यक्रमानुसार ही लॉटरी आयोजित केली जाणार आहे.
या प्रक्रियेमुळे रहिवाशांना अधिकृत घरे मिळण्याचा मार्ग मोकळा होणार आहे. लॉटरीच्या अंमलबजावणीसाठी संबंधित विभाग आवश्यक तयारी करत असून,अर्जदार रहिवाशांच्या प्रतिक्षेची लवकरच पूर्तता होणार आहे.
