मुंबई : अजय मगरे
यवतमाळ जिल्ह्यात काँग्रेसला मोठा धक्का देत विधान परिषदेचे माजी उमेदवार साहेबराव कांबळे यांच्यासह उमरखेड-महागाव मतदारसंघातील शेकडो पदाधिकारी व कार्यकर्त्यांनी उपमुख्यमंत्री एकनाथ शिंदे यांच्या उपस्थितीत शिवसेनेत प्रवेश केला.
यावेळी बोलताना शिंदे यांनी राज्यभरातून विविध पक्षांचे कार्यकर्ते शिवसेनेत दाखल होत असल्याचे सांगत, हा पक्षाच्या विकासाभिमुख भूमिकेवरील वाढत्या विश्वासाचा पुरावा असल्याचा दावा केला. साहेबराव कांबळे यांच्या प्रवेशामुळे उमरखेड-महागाव परिसरात पक्षसंघटना अधिक मजबूत होईल, असा विश्वास त्यांनी व्यक्त केला.
शिंदे यांनी यवतमाळ जिल्ह्यातील विकासकामांना गती देण्याबरोबरच स्थानिक प्रश्न सोडविण्यासाठी शासन सकारात्मक भूमिका घेईल, असे आश्वासन दिले. मेहनती कार्यकर्त्यांना शिवसेनेत योग्य मान-सन्मान आणि संधी मिळेल, असेही त्यांनी सांगितले.
