कोपरगाव दि १४ (दिलीप गायकवाड) –
कोपरगाव नगरपरिषद संचलित भारतरत्न डॉ. बाबासाहेब आंबेडकर सार्वजनिक वाचनालयाच्या वतीने भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांच्या जयंतीनिमित्त त्यांच्या प्रतिमेस पुष्पहार अर्पण करून अभिवादन करण्यात आले.
कार्यक्रमाची सुरुवात उपस्थित मान्यवरांच्या हस्ते डॉ. आंबेडकर यांच्या प्रतिमेस पुष्पहार अर्पण करून करण्यात आली. या कार्यक्रमास सामाजिक कार्यकर्ते दिनकर खरे, माजी नगरसेविका मायादेवी खरे, ॲड. मोकळ, विश्वास जमधडे हे प्रमुख अतिथी म्हणून उपस्थित होते.
यावेळी मायादेवी खरे, ॲड. मोकळ, विश्वास जमधडे तसेच विद्यार्थी प्रतिनिधी स्नेहा मोरे, प्रतिभा साळवे, राजेश्वरी त्रिभुवन, आदित्य बारसे यांनी डॉ. बाबासाहेब आंबेडकर यांच्या जीवनकार्यावर आपल्या भावना व्यक्त केल्या. विशेष म्हणजे मायादेवी खरे यांनी या प्रसंगी डॉ. बाबासाहेब आंबेडकर यांची प्रतिमा वाचनालयास भेट दिली.
कार्यक्रमावेळी इंगळे सर, समता सैनिक दलाचे घोडेराव सर, पत्रकार दिलीप गायकवाड, संतोष गंगवाल तसेच वाचनालयातील विद्यार्थी आणि वाचक मोठ्या संख्येने उपस्थित होते.
