कोपरगाव, दि.२५ : दिलीप गायकवाड
कोपरगाव तालुक्यातील शिर्डी बायपास, अहिल्यानगर–मनमाड महामार्गावरील भाबड वस्ती जवळ आज सकाळी साडेसात वाजेच्या सुमारास बोलेरो (एमएच १३–७७१४) या चारचाकी वाहनाचा अपघात झाला.
अपघातात नेमके किती नुकसान झाले याची अधिकृत माहिती अद्याप उपलब्ध नाही. मात्र, वाहनातील जखमींना जवळील स्थानिक रुग्णालयात तातडीने उपचारासाठी हलविण्यात आल्याचे समजते.
दरम्यान, घटनेची माहिती मिळताच परिसरातील नागरिकांनी घटनास्थळी धाव घेत मदतकार्य सुरू केले. वाहतूक काही काळ विस्कळीत झाली होती. पोलीस अपघाताचे कारण व पुढील तपास करीत आहेत.
