मुंबई, दि.२४ : दिलीप गायकवाड
दादर येथील डॉ बाबासाहेब आंबेडकर भवनात मोनोरेल आणिक डेपोतील कामगारांची बैठक आयोजित करण्यात आली होती. या बैठकीत कामगारांनी आपल्या विविध अडचणी व कामाच्या ठिकाणी भेडसावणाऱ्या समस्यांची मांडणी केली.
या वेळी उपस्थित राहून वंचित बहुजन माथाडी ट्रान्सपोर्ट आणि जनरल कामगार युनियनचे महाराष्ट्र राज्य सरचिटणीस आदरणीय सुरेश मोहिते यांनी कामगारांच्या मागण्यांना पाठिंबा देत त्यांना न्याय मिळवून देण्याचे आश्वासन दिले.
यावेळी बैठकीस दक्षिण मध्य मुंबई जिल्हा अध्यक्ष सुमित जाधव, जिल्हा महासचिव कुणाल सोनवणे, अमित पोळ, खजिनदार उस्मान शेख सह युनियनचे इतर पदाधिकारीही उपस्थित होते.
कामगारांच्या मागण्या शासन आणि संबंधित यंत्रणांपर्यंत पोहोचवून त्यावर ठोस कार्यवाही करण्याचे आश्वासन युनियन पदाधिकाऱ्यांनी दिल्याने मोनोरेल कामगारांमध्ये समाधानाची भावना दिसून आली.
