कोपरगाव, दि. ८ : ( दीपक सासोटे )
कोपरगाव नगरपरिषदेच्या आगामी निवडणुकांसाठी आरक्षण सोडत जाहीर होताच शहरातील राजकीय वातावरण चांगलेच तापले आहे. नव्या आरक्षण यादीत अनेक प्रभागांचे आरक्षण बदलल्याने विद्यमान नगरसेवक, माजी नगरसेवक तसेच नवोदित इच्छुक उमेदवारांच्या हालचालींना वेग आला आहे.
या नव्या आरक्षणानुसार महिला उमेदवारांसाठी मोठ्या प्रमाणावर जागा राखीव ठेवण्यात आल्या आहेत. त्यामुळे यंदाच्या निवडणुकीत महिला नेतृत्वाला पुढे येण्याची मोठी संधी मिळणार आहे. दुसरीकडे, काही प्रभागांतील आरक्षण बदलामुळे विद्यमान नगरसेवकांचे गणित बिघडले असून त्यांना नवीन प्रभागातून राजकीय समीकरणे जुळवावी लागणार आहेत.
आरक्षणानुसार प्रभागनिहाय
आरक्षण पुढीलप्रमाणे घोषित करण्यात आले आहे –
प्रभाग क्र.
1 जनरल महिला , जनरल पुरुष
2 अनुसूचित जाती (एससी) पुरुष, जनरल महिला
3 ओबीसी महिला, जनरल पुरुष
4 ओबीसी महिला, जनरल पुरुष
5 अनुसूचित जमाती (एसटी) पुरुष, जनरल महिला
6 ओबीसी महिला ,जनरल पुरुष
7 ओबीसी पुरुष , जनरल महिला
8 एससी महिला , जनरल पुरुष
10 एससी पुरुष, जनरल महिला
11 ओबीसी पुरुष , जनरल महिला
12 एससी महिला, जनरल पुरुष
13 ओबीसी महिला ,जनरल पुरुष
14 ओबीसी पुरुष, जनरल महिला
15 ओबीसी पुरुष, जनरल महिला..
या यादीतून दिसून येते की कोपरगाव नगरपरिषदेच्या निवडणुकीत यंदा महिला उमेदवारांची ताकद लक्षणीय वाढणार आहे. शहरातील प्रमुख पक्ष — भाजप, राष्ट्रवादी काँग्रेस, काँग्रेस आणि शिवसेना (उभय गट) — यांनी नव्या आरक्षणाच्या पार्श्वभूमीवर उमेदवार निवडीसाठी हालचाली सुरू केल्या आहेत.
राजकीय पातळीवर नव्या चेहऱ्यांना संधी मिळण्याची शक्यता व्यक्त होत असून, या आरक्षणामुळे आगामी कोपरगाव नगरपरिषदेची निवडणूक अधिकच रंगतदार आणि चुरशीची होणार असल्याचे चित्र निर्माण झाले आहे
