ठाणे, दि. ९ : अजय मगरे
ठाणे महापालिकेच्या आगामी सार्वत्रिक निवडणुकीत रिपब्लिकन सेनेचे किमान सात नगरसेवक निवडून आणणार असल्याचा विश्वास मा. नगरसेवक रामभाऊ तायडे यांनी व्यक्त केला.
रामभाऊ तायडे यांनी बुधवारी आपल्या मूळ पक्ष दलित पँथर आणि हजारो समर्थकांसह रिपब्लिकन सेनेचे राष्ट्रीय अध्यक्ष आनंदराज आंबेडकर यांच्या उपस्थितीत रिपब्लिकन सेनेत प्रवेश केला. यावेळी आंबेडकर यांनी तायडे यांची पक्षाच्या नेतेपदी नियुक्ती जाहीर केली.
युतीबाबत बोलताना आनंदराज आंबेडकर म्हणाले की, “नेत्यांना काही नको पण पक्षाच्या कार्यकर्त्यांना राजकीय संधी मिळावी यासाठी शिवसेनेशी (शिंदे गट) युती करण्यात आली आहे. आगामी काळात दोन्ही पक्षांचे संयुक्त कार्यकर्ते मेळावे आयोजित केले जातील. तसेच लवकरच उपमुख्यमंत्री एकनाथ शिंदे यांच्यासोबत राज्यभर दौरा केला जाईल.”
देशात जातनिहाय जनगणना होणे आवश्यक असल्याचे मतही त्यांनी स्पष्टपणे व्यक्त केले.
कार्यक्रमाला ठाणे शहर जिल्हा अध्यक्ष पंढरीनाथ गायकवाड, शहर प्रभारी मायाताई कांबळे, राहुल उंबरे आदी मान्यवर उपस्थित होते. रामभाऊ तायडे यांचे पुष्पगुच्छ देऊन स्वागत करण्यात आले
