मोठी स्वप्ने पाहुन जीवनाची परीक्षा यशस्वी करा; मुख्याध्यापक सुर्यकांत धुपे यांचे विद्यार्थांना मार्गदर्शन,
दावरवाडी ता १२ (अभिजीत सोनवणे)
पैठण तालुक्यातील नांदर ता पैठण येथील माध्यमिक विद्यालय शाळेत दि १२ फेब्रुवारी रोजी इयत्ता दहावीच्या विद्यार्थ्यांना निरोप समारंभ उत्साहात पार पडला. या कार्यक्रमाच्या अध्यक्षस्थानी विद्यालयाचे मुख्याध्यापक सुर्यकांत धुपे सर हे होते. विद्यार्थांना मार्गदर्शन करतांना धुपे सर म्हणाले की, जीवनाची खरी परीक्षा ही वेळावेळी येत असते, तिचा धैर्य आणि जिद्दीने प्रतिकार करायला शिकले पाहिजे.
विद्यार्थांनी आयुष्यात मोठी स्वप्ने पाहुन स्व:तची उन्नती करावी, असे आवाहन त्यांनी केले. इयत्ता नववी व दहावीच्या विद्यार्थ्यांनी मनोगतातून आपल्या भावना व्यक्त केल्या आणि दहावीच्या विद्यार्थ्यांना बोर्डाच्या परीक्षेसाठी शुभेच्छा दिल्या. या कार्यक्रमाचे सुत्रसंचालन इयत्ता दहावीच्या विद्यार्थ्यांनी केले. तर आभार प्रदर्शन रामकृष्ण पातकळ सर यांनी मानले. राष्ट्रगीताने कार्यक्रमाचा समारोप करण्यात आला. सोहळ्याला उपस्थित शाळेतील शिक्षक श्री बबन भावले सर श्री राजेंद्र थोरात, रामकृष्ण पातकळ, हरसिंग पाटील, रमेश पवार, संजय गूलालकर, श्रीमती सुरेखा राऊत मॅडम प्रा.दीपक पिवळ, कर्मचारी श्री योगेश धुपे श्री मदन ठेणगे श्री गोरक्षनाथ सोनवणे, सतिश कदम, विद्यार्थी मोठ्या संख्येने उपस्थित होते.
