महापौर-उपमहापौर शर्यतीत सायन कोळीवाड्याची छाप
मुंबई : मंगेश म्हात्रे
आगामी महापौर आणि उपमहापौर निवडीच्या पार्श्वभूमीवर सायन कोळीवाडा मतदारसंघातील दोन अनुभवी नगरसेविकांची नावे जोरदार चर्चेत आली आहेत. शहराच्या राजकारणात या घडामोडींमुळे उत्सुकता वाढली आहे.
भाजपकडून महापौर पदासाठी राजश्री शिरवाडकर यांचे नाव पुढे येत असून, वार्ड क्रमांक 172 च्या निवडून आल्या आहेत त्या तीन टर्म नगरसेविका राहिल्या आहेत. स्थानिक प्रश्नांवर प्रभावी भूमिका आणि सातत्यपूर्ण कामगिरीमुळे त्यांना पक्षात मजबूत दावेदार मानले जात आहे.
तर शिवसेना (शिंदे गट) कडून उपमहापौर पदासाठी तृष्णा विश्वासराव यांच्या नावाची चर्चा रंगली आहे. तृष्णा विश्वासराव या वॉर्ड क्रमांक 180 मधून निवडून आल्या आहेत. तृष्णा विश्वासराव या 6 वेळा नगरसेविका म्हणून निवडून आल्या आहेत अनुभवी नगरसेविका म्हणून ओळख असलेल्या विश्वासराव यांनी यापूर्वी संयुक्त शिवसेनेते असताना 2012 ते 2014 या कालावधीत सभागृह नेत्या म्हणून जबाबदारी सांभाळली आहे. त्यांच्या प्रशासनिक अनुभवामुळे त्या पदासाठी सक्षम पर्याय मानल्या जात आहेत.
महापौर आणि उपमहापौर निवडीची अधिकृत घोषणा अद्याप झालेली नसली, तरी सायन कोळीवाड्यातील या दोन नावांमुळे राजकीय वर्तुळात चर्चांना उधाण आले आहे. आता पक्षश्रेष्ठींचा अंतिम निर्णय काय ठरणार, याकडे सर्वांचे लक्ष लागले आहे.
