कै. गं. भा. राजुबाई नानासाहेब शिंदे यांचे प्रथम पुण्यस्मरण
कोपरगाव, दि. १४ ( दिलीप गायकवाड )
मूर्शतपूर येथील प्रगतिशील शेतकरी कुटुंबातील आधारस्तंभ कै. गं. भा. राजुबाई नानासाहेब शिंदे यांच्या निधनास एक वर्ष पूर्ण झाले आहे. त्यानिमित्त शिंदे कुटुंबीय व नातेवाईकांनी त्यांच्या प्रथम पुण्यस्मरणाचा कार्यक्रम सोमवार, दि. १७ मार्च रोजी आयोजित केला आहे.
या निमित्ताने सकाळी ९ ते ११ या वेळेत भागवताचार्य ह. भ. प. योगेश महाराज (आंळदीकर) यांचे कीर्तन होणार असून, त्यानंतर सकाळी ११ वाजता सप्तशृंगी मंगल कार्यालय, कोपरगाव बेट, पुणतांबा चौफुली, कोपरगाव-शिर्डी मार्ग येथे पुण्यस्मरण विधी संपन्न होणार आहे.
कै. राजुबाई शिंदे या शिवाजी नानासाहेब शिंदे व प्रा. भाऊसाहेब नानासाहेब शिंदे यांच्या मातोश्री होत्या. तसेच त्यांचे बंधू साहेबराव त्रिंबकराव चव्हाण (अध्यक्ष, कल्याण-डोंबिवली बिल्डर असोसिएशन, मुंबई) यांच्यासह आईच्या प्रथम पुण्यस्मरणानिमित्त कुटुंबीय, मित्रपरिवार व गावकरी यांनी उपस्थित राहावे, असे आवाहन कुसूम दत्तात्रेय होन, बेबी नानासाहेब शिंदे, सुभद्रा धर्मराज शिंदे, सुमन अर्जुन पवार, सरिता जालिंदर वक्ते यांनी केले आहे.
