मेहबुबभाई पठाण यांची बहुजन समाज पार्टीच्या कोपरगाव विधानसभा ‘जिल्हा प्रमारी’ पदावर नियुक्ती
कोपरगाव,दि.७ ( दिलीप गायकवाड )
बहुजन समाज पार्टीच्या महाराष्ट्र राज्य कार्यकारिणीतून एक महत्त्वपूर्ण निर्णय घेण्यात आला असून, मेहबुबभाई पठाण यांची ‘जिल्हा प्रभारी’ कोपरगाव विधानसभा या पदावर बसपाचे राज्य सदस्य रामचंद्र जाधव यांनी नियुक्ती पत्र देऊन केली आहे.
सदर नियुक्ती बहुजन समाजाच्या महानायकांचे विचार आणि कार्य यावर असलेली त्यांची निष्ठा, तसेच सामाजिक कार्यातील सातत्य पाहता करण्यात आली आहे. महात्मा फुले, राजर्षी शाहू महाराज, डॉ. बाबासाहेब आंबेडकर, लोकशाहीर अण्णा भाऊ साठे तसेच बहुजन नायक कांशीरामजी आणि कुमारी बहन मायावती यांच्या विचारसरणीला वाहून घेतलेल्या या कार्यकर्त्यांची नेमणूक बहुजन समाज पार्टीच्या धोरणानुसार करण्यात आली आहे.
या नियुक्तीबद्दल मेहबुबभाई पठाण यांचे सर्वत्र अभिनंदन होत असून, पक्षाच्या सामाजिक परिवर्तनाच्या लढ्यात त्या महत्त्वपूर्ण योगदान देतील, असा विश्वास व्यक्त करण्यात येत आहे. पठाण यांचे अभिनंदन सुरेश कांबळे ( अध्यक्ष ) माधवराव त्रिभुवन ( विधानसभा अध्यक्ष) संजय साबळे ( उपाध्यक्ष) तसेच अशोक खंडीझोड, अर्जुन मोरे, हनिफ पठाण, आसिफ पठाण, अमीन सय्यद, राजेन्द्र हिंगमिरे आदींनी केले आहे.
