मुंबई : मंगेश म्हात्रे
बृहन्मुंबई महानगरपालिकेच्या सार्वत्रिक निवडणूक २०२५-२६ साठी भारताचा कम्युनिस्ट पक्ष (मार्क्सवादी) यांनी तयारी पूर्ण केली असून पक्षाकडून एकूण ९ प्रभागांमध्ये उमेदवार निवडणुकीच्या रिंगणात उतरवण्यात आले आहेत. कामगार, झोपडपट्टीवासीय, मध्यमवर्गीय नागरिकांचे प्रश्न, महागाई, पाणी, आरोग्य व घरबांधणी यांसारख्या मूलभूत मुद्द्यांवर पक्ष निवडणूक लढवत आहे.
भाकप (मार्क्सवादी) कडून निवडणूक लढविणाऱ्या उमेदवारांची यादी पुढीलप्रमाणे आहे —
प्रभाग क्रमांक ६५ – नारायणन केशव किडाप्पील,
प्रभाग क्रमांक ७८ – हाजरा शब्बीर आलम शेख,
प्रभाग क्रमांक ८६ – शैलेन्द्र एकनाथ कांबळे,
प्रभाग क्रमांक ११५ – सुगंधी फ्रांसिस,
प्रभाग क्रमांक १२१ – सेजल सुरेश भोपी,
प्रभाग क्रमांक १२२ – हरी सटवाजी गाडगे,
प्रभाग क्रमांक १४३ – संगीता मोहन कांबळे,
प्रभाग क्रमांक १८५ – मायकल सेल्वन,
प्रभाग क्रमांक २०६ – मनोज श्यामदेव यादव.
ही माहिती भारताचा कम्युनिस्ट पक्ष (मार्क्सवादी) मुंबई जिल्हा कमिटीचे सचिव शैलेन्द्र कांबळे यांनी प्रसिद्ध पत्रकाद्वारे दिली. आगामी निवडणुकीत जनहिताचे प्रश्न केंद्रस्थानी ठेवून भाकप (मार्क्सवादी) प्रभावी लढत देईल, असा विश्वासही त्यांनी व्यक्त केला आहे.
