मुंबई : प्रतिनिधी
शौर्य दिनानिमित्त विजयस्तंभाला अभिवादन करण्यासाठी भीमा कोरेगावमध्ये लाखो अनुयायांची गर्दी उसळली आहे. याच निमित्ताने चैत्यभूमीवर डॉ. बाबासाहेब आंबेडकरांना अभिवादन करण्यासाठी आज हजारो अनुयायांची गर्दी उसळली. अनुयायांनी शिस्तबद्ध पद्धतीने रांगेत उभे राहून महामानवापुढे नतमस्तक झाले.
भीमा कोरेगाव येथील विजयस्तंभाला दरवर्षी राज्यातील लाखो अनुयायी प्रत्यक्ष उपस्थित राहून अभिवादन करतात. मिळेल त्या वाहनाने आंबेडकरी अनुयायी भीमा कोरेगाव येथे पोहचतात. ज्या अनुयायांना भीमा कोरेगाव येथे जाने शक्य होत नाही, असे अनुयायी चैत्यभूमी येथे घेऊन आंबेडकरांना अभिवादन करतात. अशीच गर्दी आज चैत्यभूमीवर झाली होती.
