पैठण, दि.९ ( अजय मगरे )
पैठण तालुक्यातील नांदर ग्रामपंचायतीच्या उपसरपंचपदी आसमान काळे यांची एकमताने निवड करण्यात आली. ग्रामपंचायतीच्या विशेष सभेत ही निवड प्रक्रिया पार पडली. या वेळी ग्रामपंचायतीचे सर्व सदस्य, पदाधिकारी, ग्रामसेवक, मंडळ अधिकारी, प्रभारी तलाठी तसेच गावकरी मोठ्या संख्येने उपस्थित होते. संपूर्ण प्रक्रिया सरपंच यांच्या अध्यक्षतेखाली पार पडली.
आसमान काळे हे गेल्या काही वर्षांपासून सामाजिक व विकासात्मक कार्यात सक्रिय आहेत. त्यांच्या अनुभवाचा ग्रामपंचायतीच्या कामकाजात नक्कीच उपयोग होईल, असा विश्वास ग्रामस्थांनी व्यक्त केला आहे.
निवडीनंतर बोलताना उपसरपंच असमान काळे यांनी गावाच्या सर्वांगीण विकासासाठी कटिबद्ध राहण्याचा निर्धार व्यक्त केला. रस्ते, पाणी, स्वच्छता, शिक्षण व आरोग्य या मुलभूत सुविधांची प्रभावी अंमलबजावणी करण्यासाठी ते प्रयत्नशील राहतील, असेही त्यांनी सांगितले.
या प्रसंगी उपस्थित ग्रामस्थ, सरपंच, सदस्य व विविध कार्यकर्त्यांनी काळे यांचे पुष्पगुच्छ देऊन अभिनंदन केले.
