दावरवाडी, दि.१० ( अभिजीत सोनवणे )
औरंगाबाद जिल्हा मध्यवर्ती सहकारी बँकेच्या होणाऱ्या संचालक मंडळाच्या निवडणुकीच्या पार्श्वभूमीवर दावरवाडी विविध कार्यकारी सेवा सहकारी सोसायटीतर्फे सौ. मुक्ता शामदादा तांगडे यांची मतदान प्रतिनिधी म्हणून एकमुखी निवड करण्यात आली. संस्थेचे चेअरमन श्री. राजेंद्र वाघमोडे तसेच सर्व संचालकांनी ठराव मंजूर करत ही निवड जाहीर केली.
सौ. मुक्ता तांगडे यांनी दावरवाडी ग्रामपंचायतीच्या सरपंच पदावर कार्यरत असताना विविध विकासकामे राबवून ठसा उमटवला आहे. त्यांना तत्कालीन पालकमंत्री तथा खासदार श्री. संदिपान भुमरे आणि आमदार श्री. विलास बापू भुमरे यांचे मार्गदर्शन लाभले होते.
त्या औरंगाबाद जिल्हा मध्यवर्ती सहकारी बँकेचे पैठण तालुक्यातील माजी लोन ऑफिसर श्री. शाम तांगडे यांच्या पत्नी आहेत. श्री. शाम तांगडे हे खासदार संदिपान भुमरे व आमदार विलास भुमरे यांचे विश्वासू सहकारी म्हणून ओळखले जातात.
दरम्यान, सौ. मुक्ता तांगडे यांच्या निवडीबद्दल खासदार संदिपान भुमरे, आमदार विलास भुमरे तसेच जिल्हा परिषद सदस्या सौ. जयश्रीताई राजेंद्र वाघमोडे यांनी त्यांचे अभिनंदन केले आहे.
