ठाणे, दि.६.( अजय मगरे )
गेली ३५ वर्षे विविध सामाजिक, शैक्षणिक आणि जनकल्याणकारी उपक्रमांद्वारे समाजसेवेचे व्रत जपणारे शिवसेना उपशहर प्रमुख जयेंद्र दरेकर यांनी आपल्या वाढदिवसानिमित्त ज्येष्ठ नागरिकांसाठी मोफत छत्री वाटपाचा उपक्रम राबविला.
१ जून रोजी वाढदिवस असलेल्या जयेंद्र दरेकर यांनी छत्रपती शिवाजी महाराजांच्या शिवराज्याभिषेक सोहळ्याचे औचित्य साधत आज वाढदिवस साजरा केला. यावेळी परिसरातील ज्येष्ठ नागरिकांना मोफत छत्र्यांचे वाटप करण्यात आले. या उपक्रमाला नागरिकांचा उत्स्फूर्त प्रतिसाद लाभला.
कार्यक्रमास नगरसेवक राजेश शिंदे, भगवान देवकाते, रुही शैक्षणिक व सामाजिक कलामंचचे पदाधिकारी तसेच आर्या दरेकर फाउंडेशन चे संस्थापक अध्यक्ष अजिंक्य जयेंद्र दरेकर यांची प्रमुख उपस्थिती होती.
उपस्थित मान्यवरांनी जयेंद्र दरेकर यांच्या दीर्घकालीन समाजकार्याचा गौरव करत त्यांच्या सामाजिक बांधिलकीचे कौतुक केले. पावसाळ्यात ज्येष्ठ नागरिकांना मदत व्हावी या हेतूने राबविण्यात आलेला हा उपक्रम समाजासाठी प्रेरणादायी असल्याची भावना व्यक्त करण्यात आली.
