संत भिमा भोई महाराज जयंतीनिमित्त कोपरगावात भव्य कार्यक्रमाचे आयोजन
कोपरगाव, दि.२४ ( दिपक साटोटे )
कोपरगाव शहरात २५ मे रोजी संत भिमा भोई महाराज यांचा जन्मोत्सव मोठ्या उत्साहात साजरा करण्यात येणार आहे. कोपरगाव तालुक्यातील भोई समाजाच्या वतीने या जयंतीनिमित्त विविध कार्यक्रमांचे आयोजन करण्यात आले आहे. ठिकाण – मुंजाबा चौक, गांधीनगर.
कार्यक्रमाचा मुख्य आकर्षण म्हणजे शहरातून निघणारी भव्य मिरवणूक असून, या मिरवणुकीत समाज बांधव मोठ्या संख्येने सहभागी होणार आहेत. या निमित्ताने अनेक मान्यवर उपस्थित राहणार असून, आयोजकांकडून त्यांना निमंत्रण देण्यात आले आहे.
संत भिमा भोई महाराज यांच्या कार्याचे स्मरण करत, समाजाला एकत्र आणण्याचा हा प्रयत्न असल्याचे आयोजकांनी सांगितले. कार्यक्रमाचे अध्यक्ष आकाश रघुनाथ मोरे, उपाध्यक्ष निलेश सुधाकर शिवदे, खजिनदार रोहित अनिल लाडे, सचिव गोरख परशुराम वडीले, तसेच ईश्वर सटोटे, ओमप्रकाश रघुनाथ मोरे, रविराज फकिरा साटोटे यांच्यासह अनेक कार्यकर्ते आयोजनासाठी परिश्रम घेत आहेत.
भोई समाजातील सर्व सदस्यांना आणि कोपरगाव परिसरातील नागरिकांना या कार्यक्रमात मोठ्या संख्येने सहभागी होण्याचे आवाहन करण्यात आले आहे. सर्वांना संत भिमा भोई महाराज जयंतीच्या हार्दिक शुभेच्छा!
