ठाणे, दि.३.( अजय मगरे )
धुळवडीच्या सणानिमित्त राज्याचे उपमुख्यमंत्री एकनाथ शिंदे यांनी आज ठाण्यातील टेंभी नाका येथील आनंदाश्रमात भेट देत स्वर्गीय आनंद दिघे आणि स्वर्गीय बाळासाहेब ठाकरे यांच्या प्रतिमांना रंग अर्पण करून विनम्र अभिवादन केले.
यंदा शिवसेना परिवारातील काही पदाधिकाऱ्यांच्या जवळच्या व्यक्तींचे निधन झाल्याने तसेच माजी उपमुख्यमंत्री अजित पवार यांच्या निधनामुळे शिंदे यांनी धुळवड साजरी न करण्याचा निर्णय घेतला. मात्र, त्यांनी सर्व नागरिकांना धुळवडीच्या मनःपूर्वक शुभेच्छा दिल्या.
“होळी आणि धुळवडीचा सण सर्वांच्या आयुष्यात सुख, समाधान, ऐश्वर्य, आनंद आणि सप्तरंगांची उधळण करणारा ठरो,” अशा शब्दांत त्यांनी शुभेच्छा व्यक्त केल्या.
यावेळी माजी आमदार रवींद्र फाटक, ठाणे विधानसभा प्रमुख हेमंत पवार, बाळा गवस, कमलेश चव्हाण, स्वानंद पवार यांच्यासह शिवसेनेचे पदाधिकारी आणि कार्यकर्ते मोठ्या संख्येने उपस्थित होते.
