सामाजिक कार्यकर्ते किशोर तांगडे यांचे जिल्हा बँक अधिकाऱ्यांना निवेदन**
पैठण, दि.४. ( अजय मगरे )
दावरवाडी येथील जिल्हा मध्यवर्ती सहकारी बँक शाखेत एटीएम सेवा उपलब्ध नसल्यामुळे नागरिकांना मोठ्या गैरसोयींचा सामना करावा लागत आहे. या पार्श्वभूमीवर सामाजिक कार्यकर्ते किशोर तांगडे यांनी आज छत्रपती संभाजीनगर येथील जिल्हा मध्यवर्ती सहकारी बँकेच्या मुख्य कार्यालयात जाऊन मुख्य कार्यकारी अधिकाऱ्यांना एटीएम बसविण्याबाबतचे निवेदन सादर केले.
सदर निवेदनाची प्रत सहनिबंधक कार्यालय तसेच जिल्हा उपनिबंधक कार्यालय छत्रपती संभाजीनगर यांनाही सुपूर्द करण्यात आली आहे.
तांगडे यांनी यावेळी बोलताना सांगितले की,
“दावरवाडी व परिसरात शेतकरी, महिला, लहान व्यापारी आणि विद्यार्थी मोठ्या संख्येने राहतात. रोख व्यवहारांसाठी त्यांना दूरच्या गावांत जावे लागते. एटीएम नसल्यामुळे छोट्या-छोट्या कामासाठीही नागरिकांना मोठा त्रास होत आहे. त्यामुळे दावरवाडी शाखेत एटीएम तातडीने बसविणे गरजेचे आहे.”
बँकेत रोज मोठ्या संख्येने ग्राहक व्यवहार करतात. मात्र एटीएम नसल्याने रात्री किंवा सुट्टीच्या दिवशी रोख रक्कमेचा तुटवडा जाणवतो. त्यामुळे अनेकांना व्यवहार पुढे ढकलावे लागतात किंवा पर्यायी मार्ग शोधावा लागतो.
निवेदन स्वीकारताना अधिकाऱ्यांनी याबाबत सकारात्मक विचार करून लवकरात लवकर आवश्यक ती कार्यवाही करण्याचे आश
