“आमचं जीवन कोणासाठी… भीमा तुझ्यासाठी”

इंटरनॅशनल बुद्धिस्ट मिशनतर्फे महापरिनिर्वाण दिनी सेवाभावी उपक्रम

मुंबई , दि.६ : मंगेश म्हात्रे

भारतरत्न डॉ. बाबासाहेब आंबेडकर यांच्या ६९व्या महापरिनिर्वाण दिनानिमित्त इंटरनॅशनल बुद्धिस्ट मिशन तर्फे दादरच्या शिवाजी पार्क परिसरात भिमसैनिकांसाठी मोठ्या प्रमाणावर सेवाभावी उपक्रमांचे आयोजन करण्यात आले आहे.

दिनांक ५ डिसेंबर २०२५ सायं. ६ वाजल्यापासून ते ६ डिसेंबर २०२५ रात्री १० वाजेपर्यंत, दोन दिवस अविरतपणे मुंबईसह देशभरातून आगमन होणाऱ्या लाखो अनुयायांना मोफत चहा, अल्पोहार व अन्नवाटप करण्यात आले आहे.

“आमचे जीवन कोणासाठी… भीमा तुझ्यासाठी” या प्रेरणादायी भावनेतून बुद्धिस्ट मिशनने दरवर्षीप्रमाणे यंदाही सामाजिक बांधिलकी जपत हा उपक्रम शिवाजी पार्क मैदान, राजा बडे चौक प्रवेशद्वाराजवळ,आयोजित केला आहे

भिमसैनिकांनी या सेवाभावी कार्यक्रमाचा लाभ घ्यावा, असे आवाहन इंटरनॅशनल बुद्धिस्ट मिशनचे अध्यक्ष सचिन गायकवाड यांनी केले आहे.

बहुजन शक्ती न्यूज