मुंबई : अजय मगरे
राज्यातील प्रतिबंधित गुटखा, पानमसाला आणि तत्सम अन्नपदार्थांच्या अवैध व्यवसायावर अन्न व औषध प्रशासनाने मोठा घाव घालत अवघ्या पाच दिवसांत १९५ धाडी टाकल्या. या कारवाईत तब्बल १ कोटी ९९ लाख १८ हजार ४७५ रुपयांचा प्रतिबंधित साठा जप्त करण्यात आला असून १९२ जणांना अटक करण्यात आली आहे.
१ ते ५ जून २०२६ दरम्यान राबविण्यात आलेल्या विशेष मोहिमेत अवैध उत्पादन, साठवणूक, वाहतूक आणि विक्री करणाऱ्यांविरोधात भारतीय न्याय संहिता तसेच अन्न सुरक्षा मानके कायद्यानुसार गुन्हे दाखल करण्यात आले. आयुक्त तुकाराम मुंढे यांच्या निर्देशानुसार ही व्यापक मोहीम सुरू असल्याचे प्रशासनाने स्पष्ट केले.
धुळे जिल्ह्यातील सोनगीर येथे २३.५० लाख रुपयांचा साठा जप्त करण्यात आला, तर समृद्धी महामार्गावरील सावंगी टोल नाक्यावर ६०.५० लाख रुपयांचा प्रतिबंधित माल आणि वाहन ताब्यात घेण्यात आले. नांदेडमध्ये १७.५२ लाख रुपयांचा साठा व वाहन जप्त करण्यात आले. पिंपरी-चिंचवडच्या मोशी येथे ६.१९ लाख रुपयांचा माल जप्त करून सहा जणांविरोधात गुन्हा दाखल करण्यात आला.
सर्वात मोठी कारवाई धाराशिव जिल्ह्यातील परांडा येथे झाली. येथे १ कोटी २ लाख ६७ हजार २६३ रुपयांचा प्रतिबंधित साठा जप्त करण्यात आला असून दोन जणांना अटक करण्यात आली.
बृहन्मुंबई क्षेत्रात ३० धाडींमध्ये ३० जणांना अटक करण्यात आली, तर पुणे क्षेत्रात ७९ धाडींमध्ये
