ठाणे : अजय मगरे
प्रज्ञा फाऊंडेशन व बहुजन शक्ती सामाजिक संस्थेच्या वतीने विश्वरत्न डॉ. बाबासाहेब आंबेडकर यांच्या १३५ व्या जयंतीनिमित्त तसेच ठाण्यातील सामाजिक संस्था ‘प्रज्ञा फाऊंडेशन’च्या चौथ्या वर्धापन दिनानिमित्त सामाजिक उपक्रमाचे आयोजन (ता.१७ ) प्रज्ञा फाऊंडेशन कार्यालयात करण्यात आले.
या उपक्रमांतर्गत डॉ बाबासाहेब आंबेडकर आंतरराष्ट्रीय स्मारकाचे प्रणेते चंद्रकांत भंडारे यांच्या सहकार्याने अंबिका नगरातील गरजू मुलांना तसेच विद्यार्थ्यांना वही आणि पेनचे वाटप करण्यात आले.
या उपक्रमामुळे विद्यार्थ्यांना शैक्षणिक साहित्याची मदत मिळून त्यांच्या शिक्षणाला प्रोत्साहन मिळणार असल्याचे मत उपस्थितांनी व्यक्त केले. समाजातील वंचित घटकांपर्यंत मदत पोहोचवण्याचा संस्थेचा हा प्रयत्न कौतुकास्पद ठरत आहे.
यावेळी संस्थेचे अध्यक्ष तुळशीराम मगरे, बाबासाहेब साबळे, सुशांत साबळे, सिद्धार्थ मोरे, शुभम वारे, अंकुश पोटफोडे, सुनील मोरे, सुशील शरणांगत, उमेश जाधव, विक्रम मगरे, सुरज मगरे, ज्ञानदेव वाव्हळ, विश्वास साबळे आदी कार्यकर्ते उपस्थित होते.
