दहा लाख निधी मंजुरीसह आमदार भुमरे यांचे जाहीर आभार…
पैठण, दि.३ : ( अजय मगरे )
महामानव भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त दावरवाडीत अभिवादन कार्यक्रमाचे भव्य आयोजन करण्यात आले आहे. गुलाबराव खांडे सोशल फाउंडेशन आणि पंचशील प्रतिष्ठान यांच्या संयुक्त विद्यमाने हा कार्यक्रम शनिवार, दि. ६ डिसेंबर रोजी सायंकाळी सात वाजता डॉ. बाबासाहेब आंबेडकर यांच्या पूर्णाकृती पुतळ्यासमोरील मैदानावर होणार आहे.
कार्यक्रमात अनिल आहेर निर्मित “स्वरसागर भिमगीते” हा भव्य भावनात्मक गीतांचा कार्यक्रम सादर केला जाणार आहे. डॉ. आंबेडकर स्मारकाच्या सुशोभीकरणासाठी दहा लाख रुपयांचा निधी मंजूर केल्याबद्दल आणि रमाई आवास योजनेअंतर्गत घरकुले मंजूर करून दिल्याबद्दल पैठणचे आमदार विलास भुमरे यांच्यासह सरपंच, उपसरपंच व ग्रामपंचायत सदस्यांचे जाहीर आभार फाउंडेशनतर्फे मानण्यात येणार आहेत.
समाजिक आणि शैक्षणिक कार्यात सतत पुढाकार घेणाऱ्या या संस्थांनी पंचक्रोशीतील नागरिकांना मोठ्या संख्येने उपस्थित राहण्याचे आवाहन केले आहे.
